Қырҭтәыла Аекономикеи иҭышәынтәалоу аҿиареи рзы аминистрра иаҵанакәа агентра „Иҟаҵа Қырҭтәылаҿ“ адгыларала, аелектронтә коммерциа аплатформа  Alibaba.com аҿы ақырҭуа аилахәырақәа рцәыргара иалагоит.

Аминистрра адыррақәа рыла, раҧхьатәи аетап азы ари аплатформаҿ ицәыргахоит  50 раҟара ақырҭуа еилахәырақәа.

«Агентра,  шықәсыктәи алахәылатә ашәахтәи, иара убас, аалыҵ аӡыргареи аплатформаҿ ацәыргареи иадҳәалоу ахарџьқәеи  инаӡаны ихнаҩуеит.  Ақырҭуа еилахәырақәа астатус  Global Gold Supplier рхы иадырхәоит.  Уи абзоурала, ақырҭуа еилахәырақәа аглобалтә џьармыкьа алалареи, жәларбжьаратәи апартниорцәа рыдаҧхьалареи, аекспорт аизырҳареи рылшоит», — иануп аминистрра аинформациаҿы.

Иара убас, аинформациаҿы ишазгәаҭоу ала, аилахәырақәа ралхра апроцесс мҩаҧысуеит  2 етапк рыла.

Хара имгакәа, Alibaba.com ахаҭарнакцәа Қырҭтәыла иаҭаауеит. Авизит аҳәаақәа ирҭагӡаны, дара ақырҭуа аалыҵ гәарҭоит.

Alibaba.com   1999 шықәсазы иаҧҵан. Аҧхьагылара змоу  аелектронтә коммерциа B2B-платформа  200 ҳәынҭқаррақәа рҿы аус ауеит.