«Амшын еиқәа  — НАТО азы астратегиатә аҵакы ду змоу регионуп, уаҟа иаҳзааигәаӡоу апартниорцәа ҳамоуп  — Украинеи Қырҭтәылеи», — иҳәеит НАТО амаӡаныҟәгаҩ хада Иенс Столтенберг аофициалтә визитла Румынтәыла даныҟаз.

Иара иажәақәа рыла,  НАТО адиалоги аполитикатә аӡбареи иазҿлымҳауп, аха, ахадаратә принципқәа ирыдҳәаланы акомпромисс зыҟалом.

«НАТО  ахыхьчаратә алиансуп. Ҳара ҳхықәкы  — аҭынчра ахьчара ауп. Ҳара Румынтәылеи  НАТО адгылаҩцәеи рыхьчара ҳшазыхиоу агәра ганы ҳаҟазароуп. Украинагьы ари азҵаара аҵакы ду амоуп, насгьы, Урыстәыла Амшын еиқәа аҿгьы закәандарала ахатә арратә хаҭарнакра азнарҳауеит. Амшын еиқәа  — НАТО азы астратегиатә аҵакы ду змоу регионуп, уаҟа иаҳзааигәаӡоу апартниорцәа ҳамоуп  — Украинеи Қырҭтәылеи. Ҳара  адиалоги аполитикатә аӡбареи ҳазҿлымҳауп, аха, ахадаратә принципқәа ирыдҳәаланы акомпромисс зыҟалом.

Аҳәынҭқарра цыҧхьаӡа ахатә мҩа алхра азин амоуп. Ҳара ҳпартниорцәа ҳахьчароуп», — иҳәеит Столтенберг.