Шови аҧсабаратә рыцҳара зыхҟьаз амзызқәеи аҧсабаратә рыцҳара ақәҿыҭреи аҭҵаара амзызла аамҭалатәи аусеилыргаратә комиссиа аиҿкаара иазку ашьақәыргылара апроект иахьа апарламент абиуро аилатәараҿ  ицәырыргоит. Апроект дырмазеит  „Амилаҭтә ҵысра“ адепутатцәа.

Афранциа алахәылацәа ишырҳәаз ала,  акомиссиа ишьақәнаргылароп   арыцҳара аҭыҧаҿ  иҟалаз апроцессқәа иазҧхьагәазҭо, ауаа иаамҭаны адырра рызҭо амониторинги заанаҵы адырраҭаратә системеи, ашәарҭара ардырратә системагьы  аҭыҧаҿы изыҟамыз, ари асистема иҟазҭгьы ауаа агәҽанҵара рыҭареи иаамҭаны ревакуациеи ҟалон.

Адокумент ишану ала,  2018 шықәса жәабран  27 рзы Қырҭтәыла  70 миллион адоллар аиуит аҧсабаратә рыцҳарақәа ирыдҳәалоу ашәарҭарақәа рырмаҷреи, рпревенциеи, ахиазаареи иазку асистемақәа реиқәыршәаразы, ари апроцесс хықәкыс иаман Қырҭтәыла аҵакырадгьылаҿ заанаҵы адырраҟаҵара асистема арҿиара.

„Аамҭалатәи аусеилыргартә комиссиа ишьақәнаргылароуп зыӡбахәы ҳәоу аҧара хықәкыла иныхзу иныхымзу. Насгьы, конкретла еилаҳкаар ҳҭахуп  иарбан региону  агидрометеорологиатә станциа ахьдыргылаз,  заанаҵы ардырратә система аларҵәара амзызла  агеологиатә шәарҭарақәа аазырҧшуа ахсаала еиқәдыршәазар.

Шови адгьылҳәазаратә процесс иалагеит  2023 шықәса нанҳәа 3 рзы, асааҭ 15:00 рзы. Ицәыргоу аинформациа инақәыршәаны, уаҟа аиқәырхаратә усурақәа иалагеит 3 сааҭк рыла икьасаны. Аусеилыргаратә комиссиа алахәылацәа аиқәырхаратә операциа иагханы изалагаз еилкааны, аҭак зыҧхықәу ауаа аадырҧшыроуп.

Иара убас, акомиссиа ишьақәнаргылароуп  атәыла аиҳабыра  аиқәырхаратә операциа қәҿиарала амҩаҧгара амзызла агәылара иҟоу атәыла аҟынтә ацхыраа аҳәара ахәҭам ҳәа изырыҧхьаӡаз”, – иануп адокумент аҿы.