Қырҭтәыла Аҵареи аҵарадырреи рзы аминистрра, арҵаҩцәа рыдгылареи рзанааҭтә аҿиара ацхраареи амзызла,  активла аусура нанагӡоит. Ари атәы иануп Аҵара аминистрра иаланарҵәаз аҳәамҭаҿы.

Аминистрра аинформациа инақәыршәаны, уажәазы, аминистрра аинициативала,  „Арҵаҩы изанааҭтә аҿиареи акариератә ҧхьаҟацареи асхема ашьақәырҕәҕәара иазку“ Қырҭтәыла аиҳабыра  2019 шықәса лаҵара  23 рзы ирыдыркылаз ақәҵара  #241аҧсахрақәа алагалоуп, урҭ инрықәыршәаны, иакырҭуабызшәатәым асектор арҵаҩцәа 2025-2026 аҵаратә ашықәс анҵәамҭанӡа апрактик истатус рымазаауеит, иара убас, акомпетенциа  арҵабыргра алшара роуеит.

Аинформациа ишану ала,  иара убас,  иақырҭуабызшәатәым асектор арҵаҩцәа ирыдаргалоит амаҭәартә адырра аиҕьтәреи ақырҭуа бызшәа адырра аҩаӡара аизырҳареи иазку азыҟаҵаратә курсқәа.

Ишыжәдыруа еиҧш, Қырҭтәыла аҵареи аҵарадырреи рзы аминистрра имҩаҧнагоит арҵаҩцәа рпортфолиомқәа ахәшьара рыҭара апроцесс, уи аҧхынраз ихыркәшахоит. Ахәшьараҭара алҵшәақәа рышьаҭала, арҵаҩцәа, 2023 шықәса цәыббра 1-нӡа, иашьашәалоу  (аҧхьагылаҩ ма аментор) астатус ранашьазаауеит.