Апартиа “Гирчи” алахәыла Иаго Хвичиа иҟаиҵаз аҳәамҭала, “Ақырҭуа гәахәтәы” украинаа рзы адебатқәеи акритикеи рзы аамҭа цәгьа алнахит.

Хвичиа иажәақәа рыла, ари ахылҵуа апроблема хәыҷқәа Қырҭтәыла ауааԥсыра ирныруеит.

“Аршаҳаҭгақәа раарԥшра сазааҭгылар сҭахуп, абри еиԥш аҳәамҭа баша ҟарҵоит ҳәа сгәы иаанагом. Ари аҳәамҭа апревенциатә ҟазшьа амазар ҟалап. Аха уи ииашазхар, аршаҳаҭгақәа ҳзаадырԥшуеит. Ари зегьы хара имгакәа еилкаахоит”, – иҳәеит Хвичиа.

Украина Атәылахьчара аминистрра иаҵанакуа аԥшыхәра маҵзура аҳәамҭа инақәыршәаны «жәларбжьаратәи асанкциақәа рымшала, Урыстәыла, арратәи атәылауаҩратәи азкызаара змоу атауарқәа раиура  алшара ацәыӡит. Асанкциақәа рывсразы, урыстәылатәи агентцәа аконтрабандатә хыҵхырҭақәа реиҿкаара иаҿуп, аконтрабандатә хыҵхырҭақәак Қырҭтәыла аҵакырадгьыл иалсны ицоит. Насгьы, ақырҭуа амаҵзура ҷыдақәа рхаҭарнакцәа атәыла аполитикатә напхгара рҟынтә адҵа роуит аконтрабандистцәа ирҧырхагамхарц».