Ашьапымпыл азы Қырҭтәыла амилаҭтә аизга акаҧдан  Гурам Кашиа рашәарамзазы амилаҭтә аизгаҿы икариера хиркәшоит. Иара ари атәы ааицҳаит Михаил Месхи ихьӡ зху апресс-конференц-залаҿ ажурналистцәа данырҧылоз.

«Аиашаз, арҭ амшқәа Қырҭтәылазы даараӡа ихьанҭоуп. Қырҭтәыла Акаталикос-Патриарх иҧсра даараӡа сгәы иалсит, ақырҭуа жәлар срыдашшылоит.

Рашәарамзазы амилаҭтә аизгаҿ аҵыхәтәантәи сматч  азы ҷыдала сҽазыҟасҵоит.   Ақырҭуа азгәыбылҩцәа уи схаҭа ирасҳәар сҭахын.

38 шықәса сшырҭагыло, ҭабуп ҳәа шәаҳәаны, ишәсырдырыр сҭахуп рашәарамзазы, Румынтәылаҟны аматч ала, амилаҭтә аизгаҿы 17 шықәсатәи скариера  шсыркәшо. Аиашаз,  ари аамҭа аинтерес ду зҵаз,  агәаларшәарақәа рацәа сзаансыжьыз ашьапылмпылтә ныҟәаран.

Насыҧ сымазаарын, акыршықәса ирылагӡаны стәыла амаҵ зуан,  адунеи зехьынџьара ҷыдала бзиа ирбо аспортхкы сахаҭарнакын.

Қырҭтәыла аизга каҧданс аҟазаара сара сзы ҳаҭыр дуун. Ҳара ҳхықәкы мацара акәымкәа,  ақырҭуа цыҧхьаӡа ихықәкы наҳагӡеит  — Европа ачемпионатаҿ ҳахәмарит. Ари амҩа иадҳәалоу аминуҭ цыҧхьаӡа сара сзы аҭоурых аасҭа еиҳауп.

Анеҩстәи 2 матчк раан азгәыбылҩыс сыҟазаауеит,  нас,  рашәарамзазы,  Қырҭтәылеи Румынтәылеи реиҩызаратә матч аҿы,  сгәы зыздуу аформа сышәҵаны,  Қырҭтәыла аизга аилазаараҿы аҵыхәтәантәи сматч мҩаҧызгоит», — иҳәеит  Кашиа.

Қырҭтәылеи Румынтәылеи реиҩызаратә матч мҩаҧысуеит рашәара 2 рзы,  Михаил Месхи ихьӡ зху астадионаҿы.