Гори Сталин иирамш иазгәарҭеит (афото)
14:54, 21.12.2020
Гори Сталин иира инаркны 141 шықәса аҵра иазгәарҭеит. Акоммунисттә партиеи ауаажәларра «Сталинистцәа»-и алахәылацәа Сталин иҩны-музеи аҧхьа еизеит. Горинтә ари атәы ааицҳаит Қырҭтәыла Актәи аканал ажурналист.
Сталин иирамш инамаданы еизаз ауааҧсыра Сталин иҩны-музеи аҧхьа игылоу ибаҟаҿы ашәҭқәа шьҭарҵеит. Иара убас, акциа алахәылацәа Гори ашҭа хадаҿы Сталин ибаҟа аиҭашьақәыргылара иаҳәеит, ари абаҟа 2010 шықәсазы иқәыргеит.
