„Акзаара – амилаҭтә ҵысра“ алахәыла Гьаргь Вашаӡе Русҭавели имҩаду аҿы имҩаҧысуа акциаҿы аполитикатә мчқәа иззеиқәшаҳаҭхаз апринципқәа дрылацәажәеит.

Вашаӡе иҳәамҭала, аполиткиатә мчқәа алхрақәа аханатә рымҩаҧгара иаҳәоит.

„Ҳара, аполиткиатә мчқәа, ахадаратә принципқәа рзы ҳаиқәшаҳаҭхеит: аханатә алхрақәа рымҩаҧгара ҳаҳәоит, арҭ алхрақәа иазхаҳҵом, апарламент азакәантәра иазхаҳҵом; аҿагыларатә ҵысра ҳалагеит, зны Қарҭ, анеҩс Қырҭтәыла зехьынџьара ақәҧара наҳагӡоит; анеҩстәи апротест цыҧхьаӡа иаҳа иҕәҕәахоит, аконкреттә хықәкы амазаауеит; ашаҳаҭгақәа реизгареи жәларбжьаратәи аусеицуразы рырмазеиреи наҳагӡоит; ҳара ҳамацара ҳакәӡам ари ақәҧаразы аҭак зыҧхықәу, ауааҧсыра зегьы ҳаззеиқәшаҳаҭхаз ашьаҿақәа рынагӡаразы аҭак рыҧхықәуп, ари аус ҳазынтәгьы еицынаҳагӡароуп, аҵыхәтәантәи аиааира ҳгаанӡа апротест наҳагӡоит.

Аиҳабыра рыдагьы, раҧхьа иргыланы,  Алхратә комиссиа хада ҳаҿагылароуп. Алхратә комиссиа хада арҭ алхрақәа рылҵшәақәа иаҧыхуп ҳәа аанацҳароуп. Уаҵәтәи аконкреттә план ҳалацәажәозар,  шьыбжьон асааҭ ҩба рзы аизара шыуадаҩу аадыруеит, аха, ари атәыла хәылбыҽхан мацара акәӡам ҳара ианаҳтәу, уаҵәы, Аспорт ахан аҟынтә аныҟәара мҩаҧаагоит“, –  иҳәеит Вашаӡе.