Ҳпартиа иаартӡоуп, еснагь иаамҭаны аҳасабырба цәыраагоит, ҳфинансыркра иадҳәаланы изакәызаалак зҵаарак иҟам.  Ажәлар  рҧара зҕьычуа акоррупционерцәа рахь азҵаарақәа иҟоуп, жьҭаара 26 рзы дара ирыхәҭоу аҭак роуеит, –  иҳәеит  „Акзаара  – Амилаҭтә ҵысра“ алидер Гьаргь Вашаӡе.

Вашаӡе Акоррупциа аҿагыларатә биуро анапхгаҩы Ражден Купрашвили иҟаиҵаз аҳәамҭа иазкны иазҵааит. Купрашвили ишиҳәаз ала, абиуро имҩаҧнагаз аминиторинг  алҵшәақәа рыла, аоппозициатә партиақәа хәҭала рфинансқәа аадырҧшуеит,  мамзаргьы зынӡаскгьы иаадырҧшуам.

„„Ақырҭуа гәахәтәы“ аҿоуп  акоррупциа иахьыҟоу, уи зегьы ирдыруеит. Дара амаҭәақәа раахәаразы Дубаи ма Миланҟа ицоит, рхылҵ ареис ҷыдақәа рыла Америкаҟа иҧыруеит.   Рнапы иахоу асааҭқәа миллионбжак иаҧсоуп. Акоррупциа иаҿагыло абиуро ахаҭарнакцәа уи рымбаӡои? Араҟа зегь еилкаауп.  Атәылаҿ аиашамра аҳра амоуп. Ҳпартиа иаартӡоуп, еснагь иаамҭаны аҳасабырба цәыраагоит, ҳфинансыркра иадҳәаланы изакәызаалак зҵаарак иҟам.  Ажәлар  рҧара зҕьычуа акоррупционерцәа рахь азҵаарақәа иҟоуп, жьҭаара 26 рзы дара ирыхәҭоу аҭак роуеит“, – иҳәеит Гьаргь Вашаӡе.