Аҧсадгьыл амаҵ зур зҭаху ақырҭуа иаҳасабала, абра, абри аидҵараҿы,  «Қырҭтәыла ҕәҕәа» аҿы исҭыҧуп.  Абас сҳәаратәы амзызқәа рацәа сымоуп. Абарҭ амзызқәак иреиуп ақырҭуа алхыҩцәа рҭаххара, ҳуааҧсыра  ҧасатәи аполитикатә мчқәа иреиҧшым алабҿаба ҿыц аҧҵара иазыҧшуп, – иҳәеит Қырҭтәыла ҧасатәи ахада Гьаргь Маргвелашвили Гори данықәгылоз, уаҟа ишеилкаахаз ала, иара апартиа «Қырҭтәыла ҕәҕәа» далалеит.

Маргвелашвили ишиҳәаз ала, азакәанҧҵаҩыс ихы иҧхьаӡом, аха,  «Қырҭтәыла ҕәҕәа» аилазаараҿы аҵыхәанӡа ақәҧара наигӡоит.

«Сара азакәанҧҵаҩыс схы сыҧхьаӡом, уи сара истәым, вето ақәҵара иаҳа исзыманшәалоуп.  Ари ақәҧараҿы аҵыхәанӡа сшәывагылазаауеит. Наҟ-наҟ ҳара Қырҭтәыла архынҳәреи аиҭаҿиареи ҳазықәҧоит, аха, адепутатцәа раҳасабала акәымкәа. Сара аиааира сцәа ианыруеит, ақәҿиара акәымкәа  — аиааира. Аиааира ду, убри аҟынтә, ҳара, аҵыхәтәан, абри ачарҳәара ҳаиааиуеит», — иҳәеит  Маргвелашвили.