«Азыҳәара ахәаҧшразы жәымз аҿҳәара иҟоуп, аха,  ари апроцесс иаҳа ирласны имҩаҧысып ҳәа ҳгәыҕуеит», — иҳәеит Қырҭтәыла  апарламент авице-спикер Гьаргь Кахиани Қырҭтәыла Актәи аканал аинтервиу анеиҭоз.

Азыҳәараҿы иарбоу ашаҳаҭгақәа аоппозициатә 3 партиак рқәыиҭымтәразы шьаҭас иҟалоит.

«Ҳуааҧсыра аконституциатә азыҳәара ҵакыс иамоу еилыркаауеит,  зыӡбахәы ҳәоу 3 партиак цәгьарас иҟарҵаз рдыруеит ҳәа сгәы иаанагоит. Апарламенттә аиҳара абри аҩыза ихәарҭам аполитика ақәҿыҭра ируалуп. Араҟа азинтә мҩа заҵәык ауп иҟоу: арҭ апартиақәа рқәиҭымтәра иазку ақәҵара  аднакылоит Аконституциатә аӡбара.  Азыҳәара ахәаҧшразы жәымз аҿҳәара иҟоуп, аха,  ари апроцесс иаҳа ирласны имҩаҧысып ҳәа ҳгәыҕуеит Аконституциатә аӡбарҭаҿы апроцесс аартызаауеит,  ҳуааҧсыра рхаҭа абри зегьы рбоит», — иҳәеит Гьаргь  Кахиани.