Америка аҳәынҭқарратә маӡаныҟәгаҩ иӡбарала, Филип Рикер Кавказ иадҳәалоу аиҿцәажәарақәа рҿы Аәҳынҭқарратә маӡаныҟәгаҩ ибжьагаҩ хадас  дҟарҵеит.

«Филип Рикер   Минсктәи агәыҧ аҿы Америка аган аҟынтә аицҳантәаҩыс дҟалоит, иара убас, Женеватәи аиҿцәажәрақәа рҿы америкатә делегациа дахагылоит», —  иануп Америка аҳәынҭқарратә маӡаныҟәгаҩ  иҳәамҭаҿы.

Иара убас, аҳәамҭаҿ ишазгәаҭоу ала, Америка Шәамахьтәылеи Азербаиџьани ирыцхраауеит  ашьха-ҟарабахтәи аимак кыраамҭалатәи аполитикатә ҭышәынтәалара апроцесс аҿы.

«Филип Рикер  Евроеидгыла уҳәа, апартниорцәа зегьы аус рыциуеит. Шәамахьтәылеи Азербаиџьани рыбжьара ишиашо адиалог амҩаҧгара дацхраауеит.  Рикер абри амаҵзураҭыҧ иҭара алагьы иубарҭоуп Қырҭтәыла иадҳәалоу  Жәларбжьаратәи Женеватәи адискуссиақәа Америказы аҵакы ду шрымоу», — иануп  Америка аҳәынҭқарратә маӡаныҟәгаҩ иҳәамҭаҿы.