Америка иалагоит ФИФА аклубтә адунеитә чемпионат. Рашәара  15 инаркны ҧхынгәы 13-нӡа ари атурнир аматчқәа зегьы ишиашоу ицо атранслиациа жәбар шәылшоит Қырҭтәыла Актәи аканалаҿ.

Раҧхьаӡа акәны ФИФА аклубтә адунеитә чемпионат иалахәхәоит 32 акомандақәа ФИФА 6  конфедерациак рҟынтә.  ФИФА ахада Џьанни  Инфантино иҳәамҭала, ари атурнир  — ашьапылампыл аҿы аера ҿыц алагамҭоуп.

2025 шықәсатәи атурнир иалахәып:

ЕВРОПА (УЕФА) – 12 командақәа: «Реал Мадрид» (Испаниа), «Манчестер Сити» (Англиа), «Бавариа Миунхен» (Германтәыла), «Пари Сен-Жермен» (Франциа), «Челси» (Англиа), «Интер Милан» (Италиа), «Атлетико Мадрид» (Испаниа), «Дортмунд» (Германтәыла), «Порту» (Португалиа), «Бенфика» (Португалиа), «Иувентус» (Италиа), «Зальцбург» (Австриа).

КОНМЕБОЛ (Аладатәи  Америка) – 6 командак: «Палмеирас», «Фламенго», «Флиуминенсе», «Ботафого», «Ривер Плате», «Бока Хуниорс» (рызынтәгьы Бразилиеи Аргентинеи рҟынтәи)

КОНКАКАФ (Аҩадатәии Ацентртәи  Америка) – 4 командак: «Монтерреи» (Мексика), «Сиетл Сандерс» (ИАШ), «Пачука» (Мексика), «Лос-Анџьелес» (ИАШ)

Ашьапылампыл азы Африкатә конфедерациа аҟынтә  4 клубк  —  Египти, Мароккои, Туниси, Аладатәи Африкеи рҟынтә.

Ашьапылампыл азы Азиатәи аконфедерациа аҟынтә 4 командак –  Саудтәи Аравиеи, Иеиду Араҧтәи Емиратқәеи, Аладатәи Кореиеи, Иапониеи рҟынтә.

Ашьапылампыл азы Аокеаниа афедерациа аҟынтә  — «Окланд Сити» (Зеландиа Ҿыц)

Аҧшәма истатус  – командак: «Интер Маиами» (MLS иреиҕьу акоманда)

Аҧхьахәтә фонд

ФИФА аинформациа инақәыршәаны, Аклубтә адунеитә чемпионат аҧхьахәтә фонд миллиардк адоллар иаҟароуп.  Атурнир аиааирагаҩы  125 миллион адоллар иоуеит.  575 миллион адоллар егьырҭ акомандақәа ирзыршоит еиуеиҧшым апропорциақәа рыла,  425 миллион адоллар алҵшәақәа инрықәыршәаны ирзыршоит  ( ачемпионразы  125 миллионгьы инацҵаны).