«Европа аҵакыраҿ антисемиттә инцидентқәа зеиԥшҟамлац ала рацәахеит, аҭоурых аамҭа еиқәаҵәақәа иаҳгәаланаршәоит», — иануп Еврокомиссиа аҳәамҭа аҿы.

Аҳәамҭаҿ ишану ала, ауриацәа Европаҿ иахгьагьы ишәарӡыӡоит

«Европа аҵакыреи адунеи рҿы антисемиттә инцидентқәа зеиԥшҟамлац ала рацәахеит: Германтәыла абылтәы зҭаҭәу аԥаҭлыкақәа асинагогақәа иргәыдырҵоит, Давид иеҵәақәа Франциа анхарҭаҩнқәа ирықәҭырхуеит, Австриа ауриацәа рнышәынҭрақәа раҭаҳыр ладырҟәоит, Испаниаҿ ауриацәа рыдәқьанқәеи рсинагогақәеи  ирықәлоит, адемонстрантцәа ауриацәа ирҿагыло алозунгқәа иркуп. Арҭ ицәгьоу аамҭақәа раан Евроеидгыла ауриацәа руаԥшьқәа ирыдгылоит. Ари ауаҩытәыҩса иҟазшьа иацәтәым аҭагылазаашьа ҳаҿагылоит. Ари аҭагылазаашьеи Европа шьаҭас иамоу апринципқәеи еиҿагылоит. Урҭ  ҳанхашьеи-ҳабзазашьеи ҳаԥсҭазаара амодели – аиҟарареи, ауаҩытәыҩҷа изинқәа рыхьчареи, аинклиузивреи шьаҭас измоу ҳмодели ирҿагылоит», — иануп Еврокомиссиа аҳәамҭа аҿы.

Еврокомиссиа аҳәамҭаҿ ишану ала, ауриацәеи, аԥсылманцәеи, ақьырсианцәеи рдин ма ридентра амзызла адискриминациеи амчылареи ирыцәшәо  инымхароуп.

«Европа иҟоу антисемиттә гәалаҟазаара ҳаҿагылароуп», — иануп Еврокомиссиа аҳәамҭа аҿы.