Евроеидгыла Урыстәыла аганахьала асанкциақәа аԥшьбатәи рпакет цәырнагеит. Ари атәы аалыцҳаит еврокомиссиа ахада Урсула фон дер Лаиен.

“Уаҵәы асанкциақәа аԥщьбатәи рпакет ҳадаҳкылоит Урстәыла аиэолиациа ҳарҭбаароуп, ари аварвартә аибашьра аԥара азоунажьҭуа аресурқәа нҵәарц азы. Уажәы иҟоу акризис апрецедент амам. Даҽазнык исҳәар сҭахуп: Украина аиааира агоит,” – илҳәеит Урсула фон дер Лаиен.

ЕАШ рышьҭахь, Евроеидгыла Урыстәыла ахәаахәҭраҿ аԥхьагылара амнахит. Асанциа ҿыцқәа аҩбатәи рыхәҭа Путин изааигәоу ахаҿқәа рганахьала алагалоуп; ахԥатәи ацәаҳәа акриптовалиутақәа роуп; аԥшьбатәи – Евроеидгыла ақәиҭымтәра ҟанаҵоит  Урыстәылахь аихбаалара амаҭәарқәа рекспорт азы. Аԥшьбатәи апакет ахәбтәи акомпонент ауп Урыстәылантә аметалли аметаллургиа еиқәаҵәа аалыҵ аимпорт аанкылара.

Европауаа  Урыстәыла аенергетикатә сектор иарбанзаалак апроект аинвестициақәа ралаҵра зин рымам. Иара убас, 2027 шықәсзы Евроеидгыла урыстәылатәи аенергоресурс азы мап ацәкра агәы иҭоуп.