«Ҳареи егьырҭ атәылақәеи  Қырҭтәылаҿ «Атәым агентцәа ирызку» азакәан иадҳәаланы агәынамӡара ааҳарҧшит, аха, уи адагьы, иашьашәалоу ашьаҿақәа ҟаҳҵеит, иҵегьы ижәбараны иҟоу рацәоуп ҳәа сгәы иаанагоит», — иҳәеит Америка аҳәынҭқарратә маӡаныҟәгаҩ Ентони Блинкен Қырҭтәыла ирыдыркылаз «Атәым анырра аартызаара иазку» азакәан иадҳәаланы.

Блинкен  Брукингтәи аинститутаҿ Америка адәныҟатәи аполитика алацәажәара ихы алаирхәит. Адискуссиаан аҳәынҭқарратә маӡаныҟәгаҩ Қырҭтәылеи инеизакны Ааахыҵ Кавкази  ирызкны иазҵааит.  Лымкаала, Блинкен иазҵааит арегионаҿ аглобалтә мчқәа ринтересқәа ирызкны Америка анапхгара ргәы иаанаго.

«Шәара ииашаны иазгәашәҭеит, ари арегионаҿ аиҭакрақәа мҩаҧысуеит.  Ҳара ҳзыргәамҵуа рацәоуп, аха, ареалтә алшарақәагьы ҳамоуп.  Шәара Қырҭтәыла ирыдыркылаз  «атәым агентцәа ирызку» азакәан аӡбахә шәҳәеит.  Ҳареи егьырҭ атәылақәеи  Қырҭтәылаҿ «Атәым агентцәа ирызку» азакәан иадҳәаланы агәынамӡара ааҳарҧшит, аха, уи адагьы, иашьашәалоу ашьаҿақәа ҟаҳҵеит, иҵегьы ижәбараны иҟоу рацәоуп ҳәа сгәы иаанагоит.  Ари азакәан Қырҭтәыла  ауааҧсыра реиҳара ирҭаху  евроинтеграциа иашьашәалам  ҳәа сгәы иаанагоит. Ҳара ари арегионаҿ иҟоу апроблемақәа аадыруеит. Иара убас, алшарақәа шыҟоугьы аадыруеит, ареалтә алшарақәа иҟоуп», — иҳәеит Ентони Блинкен.