«Америкатә партниорцәа зҵакы дуу аҳәамҭа ҟарҵеит, лымкаала,  Маик  Макфол ишиҳәаз ала,  аибашьраан Урыстәыла ацхрааразы, Қырҭтәылеи Беларуси хаҿқәак, асанкциақәа рзышьақәыргылара азҵаара иахәаҧшуеит», — илҳәеит «Дроа» алидер Елене Хоштариа.

Хоштариа лгәаанагарала, адеолигархизациазы иҟоу ахархәагақәа иреиуазароуп  жәларбжьаратәи хазхаҭалатәи асанкциақәа.

«Жәларбжьаратәи хазхаҭалатәи асанкциақәа адеолигархизациазы иҟоу ахархәагақәа иреиуазароуп  — абри ауп ҳара ҳасабтәс иҳамоу. Ҳара аолигархцәа рсиа еиқәҳаршәеит. Жәларбжьаратәи ҳпартниорцәа аинформациа наӡа раҳҭоит Григол Лилуашвили изкны. Иара хаҭала Иванишвили ҷыдала дизааигәоуп.  Анапхгара ззиуа Ашәарҭадаратә маҵзура атәыла ашәарҭадара акәымкәа, Иванишвили игәыҧ ршәарҭадара ауп изызҿлымҳау.

Иара убас,  иалкааны дазгәаҳҭеит  Аҳәынҭқарратә шәарҭадара амаҵзураҿы аус зуа Коба Кобиӡе. Иара ашьҭазаареи, ашантажи, уҳәа, абарҭ аусқәа дырҿуп.

Вахтанг Гомелаури, иаргьы Иванишвили изааигәаӡоу ауаа дреиуп, атәыла аҩныҵҟатәи аусқәа рминистрс дыҟоуп, аха, атәыла амаҵ аура ацынхәрас, Биӡина Иванишвили иинтересқәа ихьчоит», — илҳәеит Елене Хоштариа.