Қырҭтәыла аҧыза-министр Иракли Кобахиӡе ADB 57-тәи есышықәсатәи аиԥылара аҳәаақәа ирҭагӡаны Қарҭ визитла иҟоу Азиа аҿиара абанк (ADB) ахада Масацугу Асакава диҧылеит.

Аиҳабыра рнапхгаҩы Масацугу Асакава авизит азы иҭабуп ҳәа иаиҳәан, абанк есышықәсатәи аиԥылара Қырҭтәыла амҩаԥгара аҵак ду шамоу иаҵишьит.

Аиԥылараҿ иазгәаҭан ADB атәыла астратегиатә хырхарҭақәа шрыдгыло, урҭ рыбжьара аинфраструктуратәи, аенергетикатәи, аҵарадырратәи ахырхарҭақәа. Иара убас аиԥылараҿ ишазгәаҭаз ала, ADB-и Қырҭтәылеи 2024-2028 шықәсқәа рстратегиа (CPS) Қырҭтәыла иҭышәынтәалоу аҿиара адгылара хықәкыс амоуп, иара убас иазгәаҭан Қырҭтәыла аиҳабыра аструктуратә реформақәеи астратегиатә ҵакы змоу апроектқәа шынанагӡо.

Иахьазы, Азиа аҿиара абанк (ADB) афинанстә адгылара ала Қырҭтәыла аҵакыраҿ 1.9 миллиард доллар хәы змоу 16 активтә аинвестициатә проектқәа нагӡоит.