Абҵара 5 рзы ЕАШ 47-тәи ахада далырхуеит. Атәылаҿ ахада иҭыԥ иазықәԥоит ҩыџьа акандидатцәа: Ареспубликатәи партиа аҟынтә ЕАШ ԥасатәи ахада Дональд Трампи, адемократцәа рҟынтә атәыла уажәтәи вице-аахда Камала Ҳарриси.

Алхратә система

ЕАШ алхратә системаҿ аӡбара здызкыло алхратә коллегиоуп, уи аштатқәа рхаҭарнакцәа рыла ишьақәгылоуп. Аштатқәа рхаҭарнакцәа рхыԥхьаӡара аштат аҿы иҟоу ауааԥсыра иадҳәалоуп. Аколлегциаҿ Калифорниа 55-ҩык ахаҭарнакцәа амоуп.

Иаҳҳәап, Калифорниаҿ ауааԥсыра адемократцәа ркандидат иадгылеит, усҟан аколлегиаҿ аштат амоу 55 бжьы адемократцәа иртәхоит.

Мени Небраскеи апропорциатә хаҭарнакра рымоуп.

Алхратә коллегиа 538-ҩык аделегатцәа иалоуп, алхрақәа рҿы аиааира агаразы апрезидентрахь акандидат 270 бжьы иоуроуп.

ЕАШ абжьыҭира зин рымоуп 150 миллионҩык иреҳаны.