Ниу-Иорк имҩаԥысуа ЕАР Ассамблеиа Хада 78-тәи асессиа аҳәаақәа ирҭагӡаны, Қырҭтәыла Адәныҟатәи аусқәа рминистр Илиа Дарчиашвили Германтәыла Адәныҟатәи аусқәа рминистр Анналена Бербок дылԥылеит.

Қырҭтәыла Адәныҟатәи аусқәа рминистрра аинформациа ала, аиԥылараҿ аганқәа иахцәажәеит Қырҭтәыла Евроеидгыла алалара апроцесс.

“Илиа Дарчиашвили Анналена Бербок Европатәи ахеилак ала Қырҭтәылазы иҳәаақәҵоу 12 абжьагарақәа рынагӡара апроцесс иазкны адырра лиҭеит.

Аминистрцәа ҩганкалатәи ганрацәалатәи аусеицура амш аусхәаԥштә аилоу азҵаарақәеи ҩтәылак ирыбжьоу апартниорра ӷәӷәеи рыхцәажәеит. Ари аганахьала иазгәаҭан Германтәыла Адәныҟатәи аусқәа рминистр Қырҭтәыла лвизит аҵак ҷыда шамаз.

Илиа Дарчиашвили Анналена Бербок иҭабуп лаиҳәеит Қырҭтәыла атерриториатә акзаареи асуверенитети рыдгылареи рзы”, – иануп аминистрра аинформациа аҿы.

Қырҭтәыла аҧыза-министр Иракли Ҕарибашвили, аделегациа иманы, Иеиду Америкатә Штатқәа рҿы дыҟоуп. Ниу-Иорк ивизит аҳәаақәа ирҭагӡаны, аиҳабыра рнапхгаҩы, ЕАР Ассамблеиа Хада 78-тәи асессиа адебатқәа хада рылахәылацәа рҿаҧхьа дықәгылоит.