Давиҭ Залкалиани  – Ақырҭуа аруаа Афганистан иалҵуеит аграфик инақәырҧшны, апартниорцәа рҟны еиқәшаҳаҭны

Аҩадаатлантикатә алианс Афганистан рмиссиа хыркәшаны, рыбџьармчқәа Афганистан иалыргарц рыӡбеит, — Қырҭтәыла адәныҟатәи аусқәа рминистр Давиҭ Залкалиани ари атәы иҩит асоциалтә аҳаҿы.

«Қырҭтәыла иахьа уажәраанӡагьы зегьы реиҳа идуу аконтрибуторцәа иреиуп, Афганистан  860ҩык ҳаруаа иҟоуп, дара Афганистан иалҵуеит аграфик инақәырҧшны, ҳпартниорцәа рҟаны еиқәшаҳаҭрала.

Аҩадаатлантикатә алианс аӡбара иазкны иацы аинформациа сызҭаз Америка аҳәынҭқарратә маӡаныҟәгаҩ Ентони Блинкен сиаҭабууп. Уи алагьы иубарҭоуп Америкеи Аҩадаатлантикатә алианси аглобалтә шәарҭадара аус аҿы Қырҭтәыла алагала ахә шыршьо.

Аҳәынҭқарратә маӡаныҟәгаҩ ақырҭуа аруаа ҭабуп ҳәа реиҳәеит дара аколлективтә шәарҭадара аус ишахәҭоу еиҧш иахьалахәыз азыҳәана», — иҩит Давиҭ Залкалиани  Facebook аҿы.

НАТО амиссиа аҳәаақәа ирҭагӡаны Америка аруаа ирыцны Афганистан иҟоу арбџьармчқәа атәылантә ралгара иалагоит лаҵара 1 инаркны, цәыббра 1-нӡа ари апроцесс хыркәшазаауеит.