Британиа ацҳаражәҳәара аусзуҩцәа рыхәҭак Ливанынтә идырхынҳәит

16:53, 06.11.2023

Британиа Ду Адәныҟатәи аусқәа рминистрра аӡбарала, ацҳаражәҳәара аусзуҩцәа рыхәҭак Ливанынтә идырхынҳәит.

Иара убас, аминистрра, ахатә тәылауаа ирыбжьанагоит Ливан иқәҵырц.

«Ливан аҭагылазаашьа ирласны аҽаҧсахуеит, иаҳа еицәахар ауеит», — иануп аҳәамҭаҿы.

Аусбарҭаҿ ишырҳәаз ала, Ливанынтә акоммерциатә реисқәа аанкылахар ауеит, иара убас, атәыла зехьынџьара амҩақәа адыркыр ҟалап.

Аҳәамҭа ишану ала, ацҳаражәҳәарҭа аартызаауеит, Британиа атәылауаа рымаҵ ауразы аусура нанагӡоит.