Украинатәи ачарыц аекспорт азы абаҕәазақәа раартра иазкны Сҭампыл аиқәшаҳаҭра анапаҵаҩра афонаҿ, адунеитә џьармыкьаҿ ачарыц ахә акаҳара иаҿуп, — аанацҳаит  BBC.

Аиқәшаҳаҭра анапаҵаҩранӡагьы, Чикаготәи афондтә биржаҿы ачарыц ахә каҳаит  3%-ла.

Иахьа Стампыл,  Украинеи, Ҭырқәтәылеи, ЕАРи украинатәи ачарыц аекспорт иазку аиқәшаҳаҭра рыбжьарҵеит.  Украинатәи рыстәылатәи аганқәа хаз-хазы адокумент рнапы аҵарҩит. Адокумент инақәыршәаны, ачарыц зламҩанырго абаҕәазақәа  «Одессеи», «Черноморски» и «Южни», украинатәи аган иртәуп. Арҭ абаҕәазақәа рҿы ачарыц мҩанызго аҕбақәа рыда уаҳа даҽа ҕбақәак рыҟазаара иазҧхьагәаҭам.

Урыстәыла аҕбақәа риасраан абаҕәазақәеи аҕбақәеи  ишрықәымло азы аҧхықәра агеит. Ҭырқәтәыла, ЕАР ацхыраарала, аҕбақәа ргәаҭара иауалуп, зыӡбахәы ҳәоу аҕбақәа рыла абџьар амҩангара афактқәа ҟамларцаз.