Ахашәалатә маҵзура  -  Асанкциақәа еилаганы Чехиантә Урыстәылаҟа атауар адәықәҵара иазку аинформациа ииашам  
Ахашәалатә маҵзура  -  Асанкциақәа еилаганы Чехиантә Урыстәылаҟа атауар адәықәҵара иазку аинформациа ииашам  

Ахашәалатә маҵзура  –  Асанкциақәа еилаганы Чехиантә Урыстәылаҟа атауар адәықәҵара иазку аинформациа ииашам

Чехиантә атәылашҟа иаагоу атауар асанкциақәа еилаганы Урыстәылаҟа адәықәҵара иазкны амедиаҿы аларҵәара зауз аинформациа ииашам, – иануп Қырҭтәыла Афинансқәа рминистрра Ахашәалатә маҵзура аҳәамҭаҿы.

Аусбарҭа адыррала,  иарбанызаалак атәылантә Қырҭтәыла адәныҟатәи ахәахаәҭра иазку астатистика аартуп, убри аҟынтә, Чехиатәи ареспублика ацҳаражәҳәаҩ цқьа игәаҭам аинформациа ҧаршеи изалаирҵәаз еилкаам.

Қырҭтәыла,  Америкеи, Британиа Дуи, Евроеидгылеи Урыстәыла иазышьақәдыргылаз асанкциақәа зегьы иазҧхьагәанаҭоит, – иануп аинформациаҿы.

Иахьа Чехиа ацҳаражәҳәаҩ  Петр  Микиску Қырҭтәыла Адәныҟатәи аусқәа рминистррашҟа иҧхьеит.

Аминистрра адыррала, ацҳаражәҳәаҩ иҧхьеит иара уажәааны иҟаиҵаз аҳәамҭа амлаша. Петр Микиску ишиҳәаз ала, Чехиантә Қырҭтәылаҟа иаарго аалыҵ ахәҭак, асанкциақәа еилаганы, Урыстәылаҟа идәықәырҵоит.

Адәныҟатәи аусқәа рминистр ихаҭыҧуаҩ Алеқсандр  Хвҭисиашвили  чехиатәи аган даҽазнык аинформациа риҭеит абри аҩыза афактқәа раҧыхразы  Қырҭтәыла имҩаҧнаго ауснагӡатәқәа ирызкны.  Ақырҭуа аган ацҳаражәҳәаҩ иҟынтә аилыркаарақәа иаҳәеит  ииашам аинформациа аларҵәара иадҳәаланы.   Чехиа ацҳаражәҳәаҩ ишиҳәаз ала, иара иажәақәа ииашамкәа аинтерпретациа рызун. Аиҧылараан Чехиа ацҳаражәҳәаҩ ишьақәирҕәҕәеит асанкциақәа ирыдҳәаланы Қырҭтәылахь изакәызаалак зҵаарак шрымам.