Аусеилыргаратә маҵзура ҷыда 2024 шықәса абҵареи ҧхынҷкәыни рзы апротесттә акциақәа рылахәылацәа ирыдҳәаланы имҩаҧысуа ашьауҕатә усеилыргара иазкны аҳәамҭа аланарҵәеит.

Аҳәамҭа ишану ала, аусеилыргара алагара инаркны иахьанӡа,  343ҩык рҿахәы рымхуп, урҭ рҟынтә 49ҩык ижурналистцәоуп.

Акциақәа раан аахақәа зауз  226ҩык рзы Леван Самхараули ихьӡ зху аусӡбаратә експертиза амилаҭтә биуро аҿы аӡбарҭатә медицинатә еспертиза мҩаҧысуеит.

Аусеилыргаратә  маҵзураҿы  апротесттә акциақәа ахьымҩаҧысуаз аҭыҧи уи иаҧну аҵакырадгьыли рҿы иҟоу авидеокамерақәа рынҵамҭақәа шьаҭанкыла иҭырҵаауеит.  Иара убас, Аусеилыргаратә маҵзура аинформациа ала,  аполициатә усмҩаҧгатқәа рымҩаҧгареи адемонстрантцәа раанкылареи иалахәыз азинхьчаҩцәа рҿахәы рымырхуеит.

Аусеилыргаратә маҵзура ҷыда ала иаарҧшыз ашаҳаҭгақәа рышьаҭала, Қырҭтәыла апрокуратура  ала 52ҩык атәылауаа азарал зауз астатус ранашьоуп.