Ақырҭуа авиаеилахәыра Myway Airlines Тель-Авиви Еревани рахь арегулиартә реисқәа рымҩаҧгара иалагоит

14:56, 21.04.2021

Ақырҭуа авиаеилахәыра Myway Airlines Қарҭ – Тель-Авив-Қарҭи Қарҭ-Ереван-Қарҭи ахырхарҭақәа рыла арегулиартә реисқәа рымҩаҧгара иалагоит.

Атәылауаҩратә авиациа агентрашҟа иҟаҵоу азыҳәамҭа инақәыршәаны, ареисқәа мҩаҧгазаауеит абри аихшанҵа ала:

Қарҭ-Тель-Авив-Қарҭ, рашәара 2 инаркны жьҭаара 28-нӡа, ашәахьеи, аҩашеи, ахашеи, аҧшьашеи, амҽышеи рзы;

Қарҭ-Ереван-Қарҭ, лаҵара 15 инаркны жьҭаара 30-нӡа, есымша.

Атәылауаҩратә авиациа агентра зыӡбахәы ҳәоу авиаеилахәыра ареисқәа рымҩаҧгаразы азин рнаҭеит ҳазну ашықәс мшаҧы 20 рзы.