Аҧыза-министр Иракли Ҕарибашвили Қырҭтәыла Амҵәышәампылтә амилаҭтә федерациа ахада Виктор Саникиӡеи, Қырҭтәыла Амҵәышәампылтә  амилаҭтә федерациа амаӡаныҟәгаҩ хада ихаҭыҧуаҩ Лаша Гамҟрелиӡеи, амҵәышәампыл азы амилаҭтә аизга азыҟаҵаҩи, иара убас, аизга алахәылацәа Дуда Саникиӡеи Гьаргь Шермадини дырҧылеит, дара аиҳабыра радминистрациашҟа инаргеит Адунеи ачемпионат аҧхьахә хада,  James Naismith ихьӡ зху ахраҿа.

Аиҳабыра радминситрациаҿы имҩаҧгаз аиҧылараҿы аҧыза-министр Қырҭтәыла амҵәышәампыл азы амилаҭтә аизга Адунеи ачемпионатаҿ ақәҿиарақәа азеиҕьеишьеит.

Адунеи ачемпионат аҧхьахә хада,  James Naismith ихьӡ зху ахраҿа Қырҭтәылаҟа иааган Амҵәышәампыл азы афедерациеи  FIBA-и 2023 шықәсатәи адунеи ачемпионат иалагаанӡа еиҿыркааз “Трофи тур” аҳәаақәа ирҭагӡаны.

“Трофи тур” Амҵәышәампыл азы жәларбжьаратәи аиҿкаара имҩаҧнаго проектуп, уи аҳәаақәа ирҭагӡаны, адунеи ачемпионат аҧхьахә хада адунеи ачемпионат иалахәы атәылақәа зегьы инаргоит, иара убас, еиуеиҧшым аиҧыларақәеи ауснагӡатәқәеи мҩаҧыргоит.

Амҵәышәампыл азы  2023 шықәсатәи адунеи ачемпионат мҩаҧысуеит нанҳәа 25 инаркны цәыббра 10 налаҧхьаӡаны, Иапониеи, Филиппини, Индонезиеи.