Апартиа «Қырҭтәыла адгыларазы» алахәыла Анна Буҷукури лҳәамҭала,  атәыла ахада илыцны Страсбургҟа идәықәлараны иҟан еиуеиҧшым апартиақәа рҟынтә аҳәса-депутатцәа.

Лара лажәақәа рыла, ари аидеиа нагӡахап ҳәа дгәыҕуеит, избанзар, апартиарацәара аҵакы ду амоуп.

Буҷукури ишазгәалҭаз ала, аиҳабыра уаанӡагьы атәыла ахада хықәкыла илҧырхагахахьан.

«Аҵыхәтәантәи аамҭазы атәыла ахада изныкымкәа аҳәса -депутатцәа дырҧылахьан, ҳаргьы даҳҧылахьеит. Ишыжәдыруа еиҧш,  атәыла ахада илыцны Страсбургҟа идәықәлараны иҟан еиуеиҧшым апартиақәа рҟынтә аҳәса-депутатцәа,  абри аҩыза аидеиа шыҟаз шьақәсырҕәҕәоит. Аха,  нас,  иҟалаз жәдыруеит. Ҳара аханатәгьы ари аидеиа ҳақәшаҳаҭын. Уи нагӡахап ҳәа сгәыҕуеит, избанзар, апартиарацәаратә хаҭарнакра  аҵакы ду амоуп, иара убас, ари ауснагӡатә анапхгара ахаҭарнакгьы далахәызар сҭахуп. Аиҿцәажәарақәа иҟамызт ҳәа сызшәаҳәом, аиҿцәажәарақәа мҩаҧысуан, аха, иҳауз жәбоит. Хәыҷык ҳааҧшыроуп, иҟало аабап, аха, ҧасатәи аҧышәа ишаҳнарбо ала, аиҳабыра ари авизит амҩаҧгараҿы илҧырхагахеит», — илҳәеит  Буҷукури.