Апарламент аиҳара ахаҭарнак Алуда Ӷудушаури Урыстәыла Адәныҟатәи аусқәа рминистрра аофициалтә хаҭарнак Мариа Захарова иҟалҵаз аҳәамҭа дақәҿиҭит. Захарова ишылҳәаз ала, Москва Қырҭтәылантә ҩтәылак – Аԥсни Аахыҵ Уаԥстәылеи ирҿагыланы амч ахарымхәара иазку аиқәшаҳаҭра абжьаҵара азыԥшуп.

Ӷудушаури иажәақәа рыла, Урыстәыла аиқәшаҳаҭрала амоу ахыдҵақәа рынагӡара алагароуп.

“Иргәаласыршәар сҭахуп, Урыстәыла аиқәшаҳаҭрала иазыԥхаьгәаҭоу ахыдҵақәа еиланагеит, урҭ рынагӡара алагароуп. Иара убас иҳамоуп Гаагеи Страсбурги рҿы ирыдыркылаз аӡбарақәа. Захарова илабжьазгоит Урыстәыла Қырҭтәыла аҿаԥхьа амоу ахыдҵақәа анагӡара ианагало илҳәааит. Мариа Захарова иморальдоу аҳәамҭа ҟалҵеит. Лтәыла ала ҳҵакырадгьылқәа импыҵахалоуп, ахыдҵақәа нанагӡароуп. Лтәылеи Захарова лнапхгаҩцәеи зыԥшра ҟамҵакәа ахыдҵақәа рынагӡара иалагароуп”, – иҳәеит Ӷудушаури.