Медведев аурыс политикаҿы иччархәу персонажуп, иҳәамҭақәа зегьы хшыҩзышьҭра рзутәуп ҳәа сгәы иаанагом, — иҳәеит апартиа  «Гирчи» ахаҭарнак  Алеқсандр Рақвиашвили.

Иара Урыстәыла Ашәарҭадара ахеилак ахантәаҩы ихаҭыҧуаҩ Дмитри Медведев уажәааны иҟаиҵаз аҳәамҭа дахцәажәеит. Медведев иҳәеит: «Қырҭтәыла анапхгара змоу аполиткиатә мчы апрогматизм ала иалкаауп, уи азгәамҭара ҟалом».

Рақвиашвили,  ишиҳәаз ала,  «Ақырҭуа гәахәтәы» ахаҭарнакцәа Америкеи Европеи ирҿагыланы иаҳа ирацәаны аҳәамҭақәа ҟарҵар, иаҳа идырҽхәоит.

«Медведев аурыс политикаҿы иччархәу персонажуп, иҳәамҭақәа зегьы хшыҩзышьҭра рзутәуп ҳәа сгәы иаанагом.  Ҳәарада уара уаҕа утәыла анапхгара ибзианы дрыхцәажәозар, уи цәгьоуп, аха, абри аҩыза аҳәамҭақәа уаанӡагьы иҟарҵахьеит. «Ақырҭуа гәахәтәы» ахаҭарнакцәа Америкеи Европеи ирҿагыланы иаҳа ирацәаны аҳәамҭақәа ҟарҵар, иаҳа идырҽхәоит. Инеизакны иуҳәозар, абарҭ аҳамҭақәа зегьы лабҿаба аадырҧшуеит ҳтәыла адәныҟатәи аполитика ахырхарҭа шиашам. Ҳтәыла ахада иаартны европатәи ахырхарҭа дақәныҟәоит,  ҷыдала –  Урыстәыла-Украинатәи еибашьра ианалага инаркны, убри аҟынтә, ҳаҕацәа уи лҳәамҭақәа зыргәамҧхо еилкаауп», — иҳәеит  Алеқсандр Рақвиашвили.