Қырҭтәыла аҧыза-министр Иракли Ҕарибашвили, аиҳабыра радминистарциаҿы,  Антикоррупциатә биуро аиҳабы иҭыҧазы акандидатцәа ралхратә аконкурстә комиссиа актәи аилатәара ааиртит. 

Аилатәараҿы акомиссиа алахәылацәа, абжьыҭира мҩаҧганы, аконкурстә комиссиа ахантәаҩыс далырхыит аиҳабыра радминистрациа аиҳабы Реваз Џьавелиӡе. 

Аҧыза-министр Иракли Ҕарибашвили  2022 шықәса ҧхынҷкәын 22 рзы иҟаиҵаз адҵа  N289-е ашьаҭала, Антикоррупциатә биуро аиҳабы иҭыҧ азы акандидат иалхразы аконкурс рыларҳәан, аконкурстә комиссиа еиҿыркааит, 2022 шықәса ҧхынҷкәын 30 рзы иҟаҵаз адҵа  N304-е ала иҳәаақәҵан акомиссиа аилазаара. 

Аконкурстә комиссиа иалоуп:

• аиҳабыра радминистрациа аиҳабы Реваз Џьавелиӡе;
• апарламентаҿ иҟоу Ауаҩытәыҩса изинқәа рыхьчареи атәылауаҩратә интеграциеи азы акомитет ахантәаҩы Михаил Сарџьвелаӡе;
• апарламентаҿ иҟоу Аиуристтә зҵаарақәа рзы акомитет ахантәаҩы Анри Оханашвили;
• Иреиҳаӡоу аӡбарҭа ахантәаҩы ихаҭыҧуаҩ Гьаргь Миқаутаӡе;
• апрокурор хада актәи ихаҭыҧуаҩ Бакур Абулаӡе;
• Жәлар рыхьчаҩ инапынҵақәа назыгӡо Ҭамар Гварамаӡе;
• „Жәлабжьаратәи аартызаара  – Қырҭтәыла“ ахаҭарнак Алеқсандр Қевхишвили. 

Қырҭтәыла азакәанҧҵраҿы имҩаҧгаз аҧсахрақәа инрықәыршәаны, аҧҵоуп  азеиҧш зин аиуристтә хаҿы – Антикоррупциатә биуро, уи ахатә усура мҩаҧнагоит аӡәы ихьыҧшымкәа, Қырҭтәыла апарламенти аусбарҭабжьаратә Антикоррупциатә хеилаки рҿаҧхьа аҳасабырбара аҧхықәуп. 

Антикоррупциатә биуро анапхгара азиуеит Антикоррупциатә биуро аиҳабы, уи аконкурс ала далхзаауеит аҳәынҭқарратә усбарҭақәеи атәылауаҩратә уаажәларреи ахаҭарнакцәа рыла еиҿкаау аконкурстә комиссиа ала. Аконкурс ала иалырхуеит ҩыџьа иреиҵамкәа, аха хәҩык иреиҳамкәа акандидатцәа. Антикоррупциатә биуро анапхгаҩы дықәиргылоит Қырҭтәыла аҧыза-министр,  6 шықәса аҿҳәара иҭаны.