Аҳәынҭқарратә шәарҭадара амаҵзура аконтртеррористтә центр ахаҭарнакцәа, аусеилыргара аҳәаақәа ирҭагӡаны аоперативтә уснагӡатәқәа мҩаҧганы,   Қырҭтәыла аҳәынҭқарратә аҳәааҿы амигрант закәандарала ииагареи Қырҭтәыла иҟазааразы иашьашәалоу аҭагылазаашьақәа изеиқәыршәареи афакт азы ҩыџьа атәымтәылауаа ааныркылеит.  Ари аинформациа аланарҵәеит Аҳәынҭқарратә шәарҭадара амаҵзура.

Дара рдыррақәа рыла, аконтртеррористтә центр аусзуҩцәа аоперациа ҷыда мҩаҧыргеит Қарҭ 2 локациак рҿы.

„Аусеилыргаратә уснагӡатәқәа раан аарҧшын аелектронтә информациа ахархәагақәеи, арратә аибыҭареи, асабрадақәеи, аелектрошокқәеи, напыла иҟаҵоу аҧжәагақәеи,  „Исламтәи аҳәынҭқарра“ асимволика зну абираҟи.

Ари афакт азы ашьауҕатә ус хьацыркуп. Аконтртеррористтә центр аусеилыргаратәи аоперативтәи аусура активла инанагӡоит иаанкылоу ауааҧсыра  „Исламтәи аҳәынҭқарраҿы“ рылахәызаара ашьақәырҕәҕәареи,  иара убас, абри ацәгьаура иалахәы егьырҭ ауааҧсыра раарҧшреи амзызла“, – иануп Аҳәынҭқарратә шәарҭадара амаҵзура аинформациаҿы.