Аҳәынҭқарратә департамент – Иахьа Марк Рубио аҳәаақәа змам ашәарҭарақәа рыҿагыларазы жәларбжьаратә усеицура аҵакы далацәажәоит

Иахьа аҳәынҭқарратә маӡаныҟәгаҩ Марк Рубио еиуеиҧшым атәылақәа реиҳабырақәа рхаҭарнакцәа идикылоит  „Аполитиатә терроризм аиҭалагара“ азҵаарақәа ирызку аминистериал аҿы.

„Ари аусмҩаҧгатә ҳуаажәларраҿы аханатә ацәырҵыз ашәарҭарақәа рыҿагылара иазкуп,  арҭ ашәарҭарақәа раҧыхразы аҽеидкылареи  аусеицура арҕәҕәареи иацхраауеит“, – иануп Аҳәынҭқарратә департамент аҳәамҭаҿы.

Аҳәамҭаҿы ишазгәаҭоу ала,   „Аполитикатә терроризм иаҳа-иаҳа амч аиуеит,  уи убарҭоуп Европеи,  Азиеи,  адунеи егьырҭ атәылақәеи рҿы амчыларатә террористтә актқәа рыла.

Аҳәынҭқарратә департамент аҳәамҭаҿы ишазгәаҭоу ала,  „акыраамҭа иалагӡаны ари ашәарҭара жәларбжьаратә уаажәларра аконтртеррористтә усхәаҧштә аҿы иахәҭоу хшыҩзышьҭреи афинансыркреи  амамызт“.

„Аҵыхәтәантәи амзақәа рзы Америка еиуеиҧшым аҳәынҭқаррақәа рҿы азинхьчаратә органқәеи,  аконтртеррористтә специалистцәеи,  апрокурорцәеи рҟны ишиашо аконсультациақәа мҩаҧнагеит. Убри адагьы,   2026 шықәса лаҵарамзазы имҩаҧган аконтртеррористтә азинхьчаратә органқәа раҧхьатәи русуратә еиҧылара,  уи аҳәаақәа ирҭагӡаны,   14 ҳәынҭқаррақәа рхаҭарнакцәа,  атерроризм иаҿагыло ақәҧара аганахьала ирымоу иреиҕьу аҧышәа аиҭныҧсахларазы онлаин арежимаҿ еиҧылеит.

Иахьатәи аминистериалгьы абарҭ апроблемақәа ирызкуп.

Иахьа Марко Рубио аҳәаақәа змам ашәарҭарақәа рыҿагыларазы жәларбжьаратә усеицура аҵакы далацәажәоит“,  – иануп Аҳәынҭқарратә департамент аҳәамҭаҿы.

„Аполитиатә терроризм аиҭалагара“ азҵаарақәа ирызку аминистериал иахьа Вашингтон имҩаҧысуеит. Америка аҳәынҭқарратә маӡаныҟәгаҩ Марк Рубио иааҧхьарала аминистериал лхы алалырхәоит Қырҭтәыла адәныҟатәи аусқәа рминистр Мака Боҷоришвили.