Қырҭтәыла иаҿагыло аҧшыхәразы ахара зду  Гулбаат Рцхилаӡе идукат Лаша Голубиани иҳәамҭала, Рцхилаӡе аҧшыхәразы идырҵаз ахара дақәшаҳаҭым,  акгьы ихарам ҳәа иҧхьаӡоит.

Адукат иазҵааит: «Аҳәынҭқарратә шәарҭадара амаҵзураҿы излацәажәо атәылақәа Урыстәылагьы иреиуама ?». Адукат иҳәамҭала, излацәажәо атәылақәа Урыстәылагьы иреиуазар ҟалап, аха, иара уи изышьақәирҕәҕәом,  Гулбаат Рцхилаӡе ацәгьаура шыҟаиҵаз шьақәзырҕәҕәаша ашаҳаҭгақәа иҟам.

Адукат иҳәамҭала, Гулбаат Рцхилаӡе аҧшыхәразы идырҵаз ахара дақәшаҳаҭым,  иара иаанкылара  «Арусофобиа амониторинг ахеилак аҧҵара» иадҳәалоуп ҳәа иҳәеит.

«Ари ауаҩы ахеилак еиҿикааит арусофобиа афактқәа раарҧшразы. Абарҭ афактқәа раарҧшра зҭахым сызшәаҳәом, аха,   иара ихаҭа иаанкылара афакт ари ахеилак иадҳәалоуп ҳәа иҧхьаӡоит», — иҳәеит  Лаша Голубиани.