Аҵысра  «Асоциалтә аҧжәара» алахәылацәа  акоронавирус иадҳәалоу  аҧкрақәа раҧыхра аҳәара ала апротесттә акциа мҩаҧыргеит

Аҵысра  «Асоциалтә аҧжәара» алахәылацәа  акоронавирус иадҳәалоу  аҧкрақәа раҧыхра аҳәара ала иахьа Қарҭ  апротесттә акциа мҩаҧыргеит.

Акциа алахәылацәа рҳәамҭала, хәҭала атәыла аартра иазхом,  аҧкрақәа зегьы иаҧыхтәуп.

Акциа алахәылацәа иреиун ашьхашәаҩатә курортқәа рхаҭарнакцәеи,  атранспорттә еилахәырақәеи, атуроператорцәеи.

«Аҳәара хада  — зыҧшра ҟамҵакәа аусхкқәа зегьы раартра ауп. Ҳара иџьбароу арегулиациақәа рзы ҳахиоуп. Ҳара ҳзы амш цыҧхьаӡа аҵакы ду амоуп. Аиҳабыра, зыҧшра ҟамҵакәа аӡынтә курортқәа аадыртыроуп, избанзар мчыбжьқәак роуп иаҳзаанхаз, ашахамҩақәа аусура иаламгар, ауаа рацәа апроблема дуқәа рызцәырҵуеит», — иҳәеит акциа иалахәыз Гурам Гогишвили.