2026–2027 аҵарашықәс азы Аҵареи, аҭҵаареи, аҿареи Рминистрра иаҵанакуа «Аҵаратә ресурсқәа» ҳәа изышьҭоу аилазаара аԥхьатәи ашколқәа рҵаҩцәа рзы ашколтә маҭәа «Глори Текстиль Индустри» ООО аҟынтәи иаахәоит.

Аинформациа ҭнажьуеит Қырҭтәыла аҵареи аҭҵаареи аҿари Рминистрра.

Урҭ ражәақәа рыла, аилазаареи иареи ирыбжьарҵаз аиқәшаҳаҭра 1 801 000 ашколтә маҭәа аӡахра азԥхьагәанаҭоит.

“Акомпаниа Глори атекстильтә индустриа аӡахырҭатә фабрика Чинтәи Ажәлартә Республика аҿы иҟоуп.

2026-2027 аҵарашықәс инаркны аԥхьатәи ашколқәа рҵаҩцәа рзы ашколтә маҭәа ашәҵара хымԥадатәины иҟалоит, уи ашколқәа рҿы еиҳа еиҟароу, агәабзиара змоу, еиҿкаау аҵаратә ҭагылазаашьа аԥҵара, иара убасгьы ахәыҷқәа рыбжьара асоциалтә еиԥшымзаарақәа рырмаҷра иацхраауеит.

Аҵарашықәс ҿыц азы ашколтә маҭәа ианаамҭоу реиқәыршәара азы, Қырҭтәыла Анаԥхгара аусԥҟа ала, ООО «Аҵаратә ресурсқәа» ирмариоу апроцедура ала ашколтә маҭәа аахәара азин аиҭан», – ҳәа аҳәоит Қырҭтәыла аҵареи, аҭҵаареи, аҿари Рминистрра аҳәамҭа аҿы.