Аҭоурыхтә аиааира - Арегби азы Қырҭтәыла аизга акоманда Tier 1 Италиа иаиааит
Арегби азы Қырҭтәыла аизга аҭоурых аҿы раҧхьаӡа акәны, «Баҭым аренаҿы» Италиа аизга иацлабуан. Ақырҭуа регбистцәа 28:19 ҳәа аиааира ргеит.
Иахьатәи ахәмарранӡа «Лелос» ҧшьынтә аиталианцәа ирҧылахьан, аха, ахәмаррақәа зегьы рҿы иаҵахеит. Убри аҟынтә, иахьатәи аиҧылара аҵакы ду аман. Қырҭтәыла аизга 6 милаҭк ртурнир ахь иҭыҵырц азыҳәан, иахьа хымҧада аиааира ргар акәын.
Арегби азы Қырҭтәыла аизга, аҭоурых аҿы раҧхьаӡа акәны, Италиа аизга иаиааит.