Аҭырқәа аган ринформациа инақәыршәаны, хәажәкыра 10 рзы Анталиа аиҧылара мҩаҧысуеит, уи рхы аладырхәоит Сергеи Лаврови Дмитри Кулебеи
Ҭырқәтәыла адәныҟатәи аусқәа рминистр Мевлуҭ Чавушоҕлу иҳәамҭала, хәажәкыра 10 рзы Анталиа имҩаҧысуеит х-ганктәи асаммит, уи рхы аладырхәоит Урыстәыла адәныҟатәи аусқәа рминистр Сергеи Лаврови Украина адәныҟатәи аусқәа рминистр Дмитри Кулебеи.
«Уажәазы хықәкык ауп иҳамоу — аимакқәа раанкылара. Ҳара Украина 12 нызқьҩык ауааҧсыра аевакуациа рзаауит. Аҧшьаша, хәажәкыра 10 рзы х-ганктәи асаммит мҩаҧаагоит. Лавров ишааицҳаз ала, аиҧылара аҽалархәра дазыхиоуп, Украина адәныҟатәи аусқәа рминистр Кулебагьы аиҧылара ихы шалаирхәо ааицҳаит», — иҳәеит Чавушоҕлу.