Қырҭтәыла аԥыза-министр Иракли Ӷарибашвили иааԥхьарала,  Қырҭтәыла иаҭаауит ЕАШ аконгресс аделегациа.

Аусҳәарҭа аинформациаала, аделегациа иалоуп аконгрессменцәа Алеқс Қсавиер Мун (Мраҭашәаратәи Вирџьиниа), Браиан Џьорџь Стил (Висконсин), Келли Маикл Армстронг (Аҩадатәи Дакота), Керол Девин Миллер (Мраҭашәаратәи Вирџьиниа), Рональд Џьин Естес (Канзас).

Авизит аҳәаақәа ирҭагӡаны аконгрессменцәа Қырҭтәыла анапахгара рхаҭарнакҵәа – аԥыза-министр Иракли Ӷарибашвилии, вице-аԥыза, Адәныҟатәи аусқәа рминистр Давид Залкалиании, Атәылахьчара аминистр Џьуаншер Бурҷулаӡеи, Аекономика аминистр Наҭиа Ҭурнавеи ирԥылоит. Иара убас аиԥыларақәа мҩаԥгахоит апарламент аҿы, аконгрессменцәа ампыҵахаларатә цәаҳәашҟа инеины, аҭыԥ аҿы иҟоу аҭагылазаашьа гәарҭоит.

ЕАШ аконгресс аделегациа  Қырҭтәыла рвизит цәыббра 9-нӡа нагӡахоит.