Қырҭтәыла аҭоурых аҿы раҧхьаӡа акәны, Амҵәышәмпыл азы Европа 2022 ачемпионат егьырҭ ҩқалақьк ирывагыланы, Қарҭ аԥшәымара азнауеит.  “Евробаскет 2022” аофициалла уаҵәы иалагоит. А агәыԥ ахәмаррақәа  ирылахәуИспаниеи, Бельгиеи, Болгариеи, Монтенегрои Қырҭтәылеи реизгақәа, арҭ аматчқәа “Карҭтәи аренаҿ” мҩаҧысуеит. Ахәаԥшцәа аиԥылара ишиашоу атранслиациа Қырҭтәыла Актәи аканал рыднагалоит.

Ачемпионат мышкы шагу, Қарҭ, Риҟе, Евробаскет аартра ацеремониа мҩаԥысуеит. Ахәаԥшцәа рзы иаартит Актәи аканал афан-зона, азгәыбылҩцәа Қырҭтәыла аизга рматч ахәаԥшра Актәи аканал азона аҟынтә ирылшоит.

Қырҭтәыла Актәи аканал адиректор хада Ҭинаҭин Берӡенишвили ахәаԥшцәа ари крызҵазкуа ахҭыс рыдылныҳәалеит

„Қырҭтәыла, ҳахәаԥшцәа зегьы рыдысныҳәалоит ари амш, Қырҭтәылаҿ раҧхьаӡа акәны, “Евробаскет” мҩаҧысуеит, Актәи аканалгьы раԥхьаӡа акәны ари ауснагӡатә ду аексклиузивтә партниоруп. Ари амш азы кыраамҭа ҵуеит аҽазыҟаҵара ҳаҿуижьҭеи. Ахәаԥшцәа, азгәыбылҩцәа аматчқәа ишиашоу ртранслиациа Қырҭтәыла Актәи аканал ала рыдахгалоит, иара убас атранслиациақәа арадио аҿгьы ҟалоит,”- илҳәеит Ҭинаҭин Берӡенишвили.