” Ҳара ҳмотивациеи ҳентузиазми ҳтәылауаҩ цыԥхьаӡа изы иреиӷьу аинфраструктура аԥҵара акәын”, – илҳәеит Қырҭтәыла Актәи аканал адиректор хада Ҭинаҭин Берӡенишвили апрограмма “Бизнес-партнер” аҿы ателехәаԥшра ахыбра ҿыц данахцәажәоз.

Ҭинаҭин Берӡенишвили лажәақәа рыла, ари ахыбра арадио, ателехәаԥшра, онлаин-медиа рымацара ракәымкәа, акиноҭыхрагьы иацхраауеит.

«Актәи аканал ахыбра ҿыц иабзоураны зегьы ԥсаххоит. Раԥхьаӡа иргыланы, Актәи аканал аусзуҩцәа зегьы, ирыдысныҳәалоит, избан акәзар, ҳара зегьы аҭоурых ҳалалеит, ари ахы, адаҟьа ҿыц даара иԥшӡаны иалагеит ҳәа сгәы иаанагоит. Ҳара ҳазыӡырҩит аекспертцәа ргәаанагарақәа, жәларбжьаратәи апресса уахь иналаҵаны, ари ахыбра архитектура аганахьала даара иҷыдоу акоуп,. Уи ателехәаԥшразы мацара акәымкәа, арадиои, ателехәаԥшреи, онлаин-медиа зегьы еидызкыло, акиноҭыхра ацхраауа амультимедиатә ҭыԥны еиҿкаауп.

Ҳара ҳмотивациеи ҳентузиазми ҳтәылауаҩ цыԥхьаӡа изы иреиӷьу аинфраструктура аԥҵара акәын.

Аконкурс рылаҳәан, ари апроект ауааԥсыра рҽалархәрала алхын. Даалыскаар сҭахуп архитектор хада Леуан Сиамашвили. Сгәы шаанаго ала, уи иԥсҭазаараҿ ихадоу апроект иаԥиҵеит. Ақалақь даараӡа ихәарҭоу, иԥшӡоу, екологиа аганахьала ицқьоу ахыбрала ҳаргылеит. Ахыбра зыргылаз еилахәыра “Дагии”, еилахәыра “Аҩны ԥха – Каса Калдеи” роуп.

Ахыбра 26,000 м² аҵакыраҿ ҳаргылеит. Ахыбра аҭбаара 1200 м² ауп. Арегион аҿы мацара акәымкәа, Европатәи аҳәынҭқаррақәа рҿгьы абри еиԥш аҵакырадгьыл хмоу ателехәԥшра шәзыԥшаауам. Ҳара акиноҭыхразы иаҭаху зегь ҳамоуп”, – ҳәа илҳәеит Ҭинаҭин Берӡенишвили .