Ҭинаҭин Берӡенишвили Европатәи адырраҭарақәа реидгыл (EBU) Ассамблеиа хадаҿы ауаажәларратә медиа ахьыҧшымра апанель аспикерцәа дреиуп.  Зыӡбахәы ҳәоу асессиа иалахәып: BBC агенералтә директор Тим Деиви, Швеицариатәи адырраҭаратә корпорациа агенералтә директор Жил Маршани, Швециа Ауаажәларратә радио агенералатә директор Сила Бианкои.

Ҭинаҭин Берӡенишвили ишылҳәаз ала, Ауаажәларратә дырраҭара аидеиеи азкызаареи иуникалуп.

„Уи амедиа иҳаракӡоу стандартуп, иарбанызаалак ақәыҕәҕәара аҟынтә ахы иақәиҭуп, Аконституциала ианашьоу амандат мҩаҧнагоит. Аполиаризациеи атехнологиа ҿыцқәа рҿиара иадҳәалоу апроблемақәеи шыҟоугьы, ауаажәларратә дырраҭарақәа ауааҧсыра ирзеиқәдыршәоит зда ҧсыхәа иҟам ахырҳагареи, акзаареи, аинтеграциеи“, – илҳәеит Ҭинаҭин Берӡенишвили.

Европатәи адырраҭарақәа реидгыла  90-тәи Ассамблеиа хадаҿы абарҭ азҵаарақәа ирылацәажәоит: анагӡаратә хеилак аҳасабырба, аиҿкаара шықәсыктәии афинанстәи аҳасабырбақәа.  Атематикатә сессиақәеи апанельтә дискуссиақәеи рҿы ҳаамҭазтәи амедиазы актуалтә ҵакы змоу азҵаарақәа ирызкуп.

Ассамблеиа хада аҧхынтәи асессиа, ааҧхьара ҷыдала,  иалахәып  EBU ахадаратәи ассоциациатәи алахәылацәеи, аиҩызаратә аиҿкаарақәа рнапхгаратә хаҿқәеи, акомитетқәа рхантәаҩцәеи.

Ассамблеиа мҩаҧысуеит Испаниа аҳҭнықалақь Мадрид,  Испаниа Ауаажәларратә дырраҭара  RTVE аҿы.