«Ақырҭуа закәанԥҵара европатәи аназааигәахо, Ауаажәларратә дырраҭара иазкны ииашам аӡбара рыдыркылеит, ари азҵаара хымԥада ҳазыхынҳәуеит», — илҳәеит Ауаажәларратә дырраҭара адиректор хада Ҭинаҭин Берӡенишвили.

Берӡенишвили лажәақәа рыла. Ауаажәларратә дырраҭара афинансркра мацара акәым, аҵас аԥсахра дахцәажәоит.

«Афинансркра мацара акәым, аҵас амодель аԥсахра ауп ҳзыхцәажәо, сгәы шаанаго ала, ари идуӡӡоу проблемоуп. Афинансркра хаз темоуп, ари азҵаара ахцәажәара ҟалоит. РАԥхьаӡа иргыланы, Ауаажәларратә дырраҭареи уи амоу амиссие ҳахцәажәароуп. Ари цқьа еилыркаауам ҳәа сгәы иаанагоит, убри азоуп ашьаҭа змам азакәанқәа изрыдыркыло. Аҩбатәи – ҳара афинансркра европатәи амодель ҳамоуп, Европатәи адырраҭарақәа реидгыла, 47 тәыла рҟынтә 64 дырраҭара рҿырԥштәы ҳамоуп. Аԥсахра иазкны иџьбароу ашәҟәы ҳзаарышьҭит, уа Ауаажәларратә дырраҭара аҵаки ароли ирызкыз Европа ахеилак азгәаҭақәа рацәаны ианын. Аха уажәааны Европа ахеилак ицәырнагаз аҳасабырбаҿ, ҳтәыла Ауаажәларратә дырраҭара афинансркра амодель зегь иреӷьу модельс аарԥшын», — илҳәеит Берӡенишвили.

«Ақырҭуа закәанԥҵара европатәи аназааигәахо, Ауаажәларратә дырраҭара иазкны ииашам аӡбара рыдыркылеит, ари азҵаара хымԥада ҳазыхынҳәуеит», —  илҳәеит Ауаажәларратә дырраҭара адиректор хада Ҭинаҭин Берӡенишвили