Аоппозициатә депутатцәа  Ҭеона Акубардиеи, Хаҭуна Самниӡеи,  Анна Буҷукурии аҩныҵҟатәи аусқәа рминистр идҵаалт Ҭелави иҟалаз афакт иадҳәалоу адепутаттә зҵаарала.

Иацы Ҭелави,  гәыҧҩык атәылауаа   Леван Берӡенишвили алекциа амҩаҧгара алшара ирымҭеит.

Иахьа имҩаҧгаз апресс-конференциаҿы Акубардиа ишылҳәаз ала,  апрессаҿы аларҵәара зауз афотоҭыхымҭақәа рҿы лабҿаба иубарҭоуп  ари акциа активла ишалахәыз Урыстәыла иадгыло агәыҧқәа  — «Альт-инфои» «Аконсервативтә ҵысреи».

«Абри аҩыза афактқәа изныкымкәа иҟалахьеит,  арҭ агәыҧқәа амч ахархәарала ирҭаху ҟарҵоит,   убри аамҭазы,  азинхьчаҩцәа баша игыланы ирыхәаҧшуеит, аинцидент рҽаларгалом.  Ҳара Аусеилыргаратә маҵзуреи аҩныҵҟатәи аусқәа рминистрреи ҳрыдҵаалт.   Аусеилыргаратә маҵзура аусеилыргара иалагахьеит.  Аха,  аполициа аусзуҩцәа ауаҩы изинқәа рыхьчара аганахьала акгьы ҟарымҵеит.   Ишубарҭоу ала,  Аҩныҵҟатәи аусқәа рминистрра ахаҭарнакцәа Урыстәыла иадгыло аекстремисттә гәыҧқәа ҳКонституциа аилагара азин рырҭоит.  Убри аамҭазы уаҟа иҟаз аполициа аусзуҩцәа ауаа рконституциатә зин ахьчаразы акгьы ҟарымҵеит“, — илҳәеит  Ақубардиа.