Եվրամիության դրոշը կրկին վերադարձվեց խորհրդարանի մոտ իր պատկանող տեղը, որպես վրաց ժողովրդի պատմական և այլընտրանքային ընտրության խորհրդանիշ. Դավիթ Զալկալիանի
Եվրամիության դրոշը կրկին վերադարձվեց խորհրդարանի մոտ իր պատկանող տեղը, որպես վրաց ժողովրդի պատմական և այլընտրանքային ընտրության խորհրդանիշ. Դավիթ Զալկալիանի

Եվրամիության դրոշը վերադարձավ իր օրինական տեղը, Վրաստանի խորհրդարանի առջև, որպես վրաց ժողովրդի պատմական և այլընտրանքային ընտրության խորհրդանիշ, – այս մասին հայտարարել է Վրաստանի արտաքին գործերի նախարար Դավիթ Զալկալիանին:

«Վրացական մշակույթը միշտ պաշտպանել է եվրոպական արժեքները և միևնույն ժամանակ, անկախություն ձեռք բերելուց հետո, մեր երկիրը շատ բան է արել Եվրոպային քաղաքականորեն և տնտեսապես մերձենալու համար: Իր հերթին, Եվրամիության դերն անգնահատելի է Վրաստանի պետականության զարգացման, մեր երկրի ինքնիշխանության և տարածքային ամբողջականության պաշտպանության գործում:

Վերջին երկու օրվա ընթացքում մեր մայրաքաղաքում տեղի ունեցած բռնության գործողությունները լիովին անընդունելի են, և ես խստորեն դատապարտում եմ լրատվամիջոցների և խաղաղ բնակիչների վրա հարձակումը: Համոզված եմ, որ բոլոր մեղավորները պատասխանատվության կենթարկվեն օրենքի առջև:

Վրաստանը, որպես ազատ, ժողովրդավարական, եվրոպական արժեքների պետություն, անընդհատ պահպանում է մեր ընդհանուր արժեքները», – գրել է Զալկալիանին Ֆեյսբուքում:

Երեկ խորհրդարանի դիմաց Եվրամիության դրոշը հանել են «Թբիլիսի փրայդի» հակառակորդները:

Խորհրդարանի նախագահ Կախա Կուճավան այսօր առավոտյան կրկին բարձրացրեց Եվրամիության դրոշը խորհրդարանի դիմաց:

Թողնել մեկնաբանություն