Եվրամիության դիտորդական առաքելությունը արձագանքել է Ցխինվալի բռնազավթիչ ռեժիմի կողմից նրանց դիտորդների ձերբակալման փաստին
Եվրամիության դիտորդական առաքելությունը արձագանքել է Ցխինվալի բռնազավթիչ ռեժիմի կողմից նրանց դիտորդների ձերբակալման փաստին

Եվրամիության դիտորդական առաքելությունը արձագանքել է Ցխինվալի բռնազավթիչ ռեժիմի կողմից նրանց դիտորդների ձերբակալման փաստին:

Հայտարարության մեջ նշվում է, որ Վրաստանում Եվրամիության առաքելության անզեն դիտորդներին ձերբակալել են բռնազավթված Հարավային Օսիայի այսպես կոչված անվտանգության ծառայության աշխատակիցները:

«Հոկտեմբեր 24-ի, օրվա կեսին, Եվրամիության դիտորդական առաքելության պարեկային խմբի անդամներին, ովքեր պարեկություն էին իրականացնում Ծնելիսի-Չորչանա գյուղերում, բռնազավթված Հարավային Օսիայի այսպես կոչված անվտանգության ծառայության աշխատակիցները ձերբակալել են կարճ ժամանակով: Իրադարձությունից քիչ անց Ցխինվալից գործի էր դրվել թեժ գիծ:

Առաքելությունը դեռևս ուսումնասիրում է միջադեպի մանրամասները, որոնք տեղի են ունեցել այն տարածքում, որը համարվում է Թբիլիսիի կողմից վերահսկվող:

Վերջին զարգացումներից հետո ԵՄ դիտորդական առաքելությունը զգալիորեն ավելացրել է պարեկային առաքելությունը Չորչանա-Ծնելիսիի տարածքում:

ԵՄ մոնիտորինգի առաքելությունը  անհանգստացած է այս դեպքով, երբ զինված անձինք թույլ չեն տալիս ԵՄ դիտորդներին իրականացնել իրենց ամենօրյա գործունեությունը:

Դեպքը կքննարկվի միջադեպերի կանխարգելման և դրանց վրա արձագանքման մեխանիզմների տեխնիկական հանդիպմանը, որը տեղի է ունենալու վաղը՝ Էրգեթում»,- ասված է ԵՄ դիտորդական առաքելության հայտարարության մեջ:

Բռնազավթված Ցխինվալի ռեժիմը ԵՄ մոնիտորինգի առաքելությունը մեղադրում է այսպես կոչված սահմանը խախտելու մեջ:

Թողնել մեկնաբանություն