Վրաստանի վարչապետը հանդիպել է Լատվիայի արտաքին գործերի նախարարի հետ
Վրաստանի վարչապետը հանդիպել է Լատվիայի արտաքին գործերի նախարարի հետ

Վրաստանի վարչապետ Իրակլի Ղարիբաշվիլին հանդիպել է Լատվիայի Հանրապետության արտաքին գործերի նախարար Էդգարս Ռինկևիչսի հետ:

Վարչապետի մամուլի ծառայության հաղորդմամբ, հանդիպմանը քննարկվել են երկու երկրների հարաբերությունները, որոնք հիմնված են ընդհանուր արժեքների ու սկզբունքների վրա:

Նրանց խոսքերով, Էդգարս Ռինկևիչսի այցը հաստատում է Լատվիայի անսասան աջակցությունն ու երկրների միջև արդյունքների վրա հիմնված գործընկերությունը: Զրույցը վերաբերել է Վրաստանի և Լատվիայի միջև տնտեսական համագործակցությանը:

Ընդգծվեց այս համագործակցության հետագա խորացման կարևորությունը, հատկապես հետհամավարակային շրջանում: Ուշադրության կենտրոնում էին COVID-19 համավարակի առաջ բերած մարտահրավերները: Նշվել է պատվաստումների կարևորությունը կորոնավիրուսի դեմ պայքարում և այդ կապակցությամբ միջազգային հանրության համերաշխության անհրաժեշտությունը:

Հանդիպման ընթացքում քննարկվել են Վրաստանի Եվրամիությանը ինտեգրման ճանապարհին ձեռնարկած քայլերը, այս գործընթացում իրականացված քաղաքական և տնտեսական բարեփոխումները և եվրաատլանտյան ինտեգրման ճանապարհին երկրի ձեռքբերած առաջընթացը: Նշվեց, որ Վրաստանը պատրաստվում է 2024 թվականին դիմել Եվրամիության լիիրավ անդամակցության համար:

Հանդիպման ընթացքում կարևորվել է նաև ՆԱՏՕ-Վրաստան նորացված էական փաթեթի կարևորությունը, որը համագործակցության նոր հնարավորություններ է բացում:

Իրակլի Ղարիբաշվիլին շնորհակալություն է հայտնել Լատվիային ՝ Եվրատլանտյան ինտեգրման ճանապարհին Վրաստանին աջակցելու համար: Զրույցի ընթացքում ուշադրության կենտրոնում էին Վրաստանի բռնազավթված տարածքներում մարդասիրական ծանր իրավիճակը: Նշվել է Լատվիայի արտգործնախարարի օկուպացիոն գծի մերձակայքում գտնվող Օձիս գյուղ կատարած այցի կարևորությունը, ինչը թույլ կտա նրան տեղում ծանոթանալ առկա իրավիճակին:

Լատվիայի Արտաքին գործերի նախարարը վերահաստատեց Վրաստանի վարչապետին, Լատվիայի հստակ աջակցությունը՝ Վրաստանի ինքնիշխանության և տարածքային ամբողջականության նկատմամբ, միջազգայինորեն ճանաչված սահմաններում:

Կառավարության գրասենյակում կայացած հանդիպմանը, ներկա էին՝ Վրաստանում Լատվիայի Հանրապետության արտակարգ և լիազոր դեսպան Ինգրիդա Լեվրենցեն, Արևելյան Եվրոպայի և Կենտրոնական Ասիայի վարչության երկրորդ քարտուղար Ասպարս Մեկոնսը, իսկ վրացական կողմից փոխվարչապետ, Վրաստանի արտաքին գործերի նախարար Դավիթ Զալկալիանին և Լատվիայի Հանրապետությունում Վրաստանի արտակարգ և լիազոր դեսպան, Թեա Մաիսուրաձեն:

Թողնել մեկնաբանություն