«Վրացական երազանք – ժողովրդավարական Վրաստան» կուսակցության նախագահ Բիձինա Իվանիշվիլին այսօր հրապարակած նամակում, շնորհակալություն է հայտնում վրաց ժողովրդին, Վրաստանի առաքելական ուղղափառ եկեղեցուն, իր քաղաքական թիմին, աջակիցներին, Վրաստանի հիմնական ռազմավարական գործընկերոջը՝ Ամերիկայի Միացյալ Նահանգներին, Եվրամիության երկրներին և բոլոր բարեկամներին, ինչպես նաև իր ընտանիքին:
«Այսօր, երբ ես վերջապես հեռանում եմ քաղաքականությունից և հեռանում հանրային տարածքից, ուզում եմ խոնարհվել վրաց ժողովրդի առաջ: Ես նրանց երբեք իմ կողմնակիցներն ու հակառակորդները չեմ համարել, քանի որ կարծում եմ, որ մեր հայրենիքը շատ ավելի մեծ արժեք ունի, քան նույնիսկ տրամագծորեն հակառակ քաղաքական հայացքները:
Ցանկանում եմ շնորհակալություն հայտնել վրաց առաքելական ուղղափառ եկեղեցուն, որը միշտ էլ առանձնահատուկ դեր է ունեցել Վրաստանի պատմության մեջ:
Ցանկանում եմ շնորհակալություն հայտնել մեր քաղաքական թիմին, իմ բոլոր ընկերներին և մարտական ընկերներին, ովքեր ինձ առաջնորդել են պայքարում և մինչ այժմ հավատարմորեն ծառայում են Վրաստանին: Ցանկանում եմ հաջողություն մաղթել նրանցից յուրաքանչյուրին:
Ցանկանում եմ շնորհակալություն հայտնել Վրաստանի հիմնական ռազմավարական դաշնակցին, Ամերիկայի Միացյալ Նահանգներին, Եվրամիության երկրներին, մեր բոլոր ընկերներին և գործընկերներին, ովքեր անսասան աջակցում են վրաց պետությանը և վրաց ժողովրդին,- ասված է նամակում:
