Ռուսաստանում Ալեքսեյ Նավալնիին սատարող ցույցերին ձերբակալվել է 4 027 մարդ
Ռուսաստանում Ալեքսեյ Նավալնիին սատարող ցույցերին ձերբակալվել է 4 027 մարդ

Ռուսաստանում ընդդիմադիր Ալեքսեյ Նավալնիին սատարող ցույցերին ձերբակալվել է 4 027 մարդ: Այս մասին տեղեկատվությունը տարածում է ռուսական «Դոժդ» հրապարակումը:

Բոլորից շատ ցուցարարներ ձերբակալվել են Մոսկվայում կայացած հանրահավաքին – 1 155 մարդ: «Կոռուպցիայի դեմ պայքարի հիմնադրամում» հայտարարում են, որ ձերբակալվել է Ալեքսեյ Նավալնիի կինը՝ Յուլյա Նավալնայան: Ձերբակալվել են նաև լրատվամիջոցների ներկայացուցիչներ:

Իրավապաշտպանները և ակտիվիստները տեղեկություն են տարածում տուժածների մասին: Ականատեսների խոսքով, իրավապահները կիրառում են ռետինե մահակներ և էլեկտրաշոկերներ:

Ռուս ընդդիմադիր գործիչ Ալեքսեյ Նավալնին, որը միջազգային հետաքննության համաձայն թունավորվել էր «Նովիչոկ» նյարդային գործակալով, ձերբակալվել էր հունվարի 17-ին «Շերեմետևո» օդանավակայանում ՝ Գերմանիայից վերադառնալուց հետո և դատապարտվել 30 օրվա ազատազրկման: Նավալնիին ազատելու պահանջով Ռուսաստանի քաղաքներում բողոքի ցույցեր են կայացել նաև անցած շաբաթ, որոնք կրկին ավարտվել են մասսայական ձերբակալություններով: Ռուսաստանի իշխանությունները ցույցերն անվանում է անօրինական: Ձերբակալվածները մեղադրվում են երկրում կորոնավիրուսի պատճառով հաստատված կարգավորումները խախտելու մեջ:

Թողնել մեկնաբանություն