Ներքին գործերի նախարարության տեղեկությամբ, Թբիլիսիում այսօր զարգացած իրադարձությունների կապակցությամբ ի հայտ եկած իրավախախտումների փաստով, այս փուլում վարչական կարգով ձերբակալվել է ութ մարդ:

Նրանց հաղորդմամբ, քննչական միջոցառումների հետևանքով 55 անձի նկատմամբ բացահայտվել է բռնության փաստ, այդ թվում բռնության փաստեր տարբեր լրատվամիջոցների 53 ներկայացուցիչների նկատմամբ:

«Մենք կցանկանայինք հասարակությանը տեղեկացնել այս տարվա հուլիսի 5-ին ՆԳ նախարարության կողմից հայտնաբերված ապօրինի գործողությունների և դրանց նկատմամբ ոստիկանության ներկայացուցիչների արձագանքի մասին:

Այս փուլում 8 անձ վարչականորեն բերման է ենթարկվել բացահայտված խախտումների համար: Քննչական միջոցառումների արդյունքում պարզվել է 55 մարդու նկատմամբ բռնության փաստեր, այդ թվում տարբեր լրատվամիջոցների 53 ներկայացուցիչների հանդեպ:

Հետաքննված և դատավարական միջոցառումները շարունակվում են հետևյալ բացահայտված խախտումների վերաբերյալ.

Հետաքննությունը շարունակվում է Ռուսթավելի պողոտայում լրագրողների նկատմամբ իրականացրած բռնարար գործողությունների փաստով՝ 154-րդ հոդված (լրագրողի մասնագիտական ​​գործունեության անօրինական միջամտություն) և 126-րդ հոդված (բռնություն):

Հետաքննությունը շարունակվում է Վրաստանի քրեական օրենսգրքի 187-րդ հոդվածի հատկանիշներով ՝ Թբիլիսիում «Ամոթ է» շարժման և «Թբիլիսի փրայդ» շարժման գրասենյակում կատարված ապօրինի գործողությունների կապակցությամբ: Ախվլեդիանի 17 հասցեում գտնվող Թբիլիսի փրայդի գրասենյակի մոտ տեղի ունեցած իրադարձություններում ուրիշի ունեցվածքի վնասման կամ ոչնչացման փաստի հետաքննությունը նույնպես Վրաստանի Քրեական օրենսգրքի 187-րդ հոդվածով է:

Հետաքննություն է ընթանում Վրաստանի Քրեական օրենսգրքի 187-րդ և 126-րդ հոդվածներով `հասարակական կազմակերպություններից մեկի շենքի մոտ նկատված ապօրինի գործողությունների վերաբերյալ, որտեղ ենթադրաբար, պիրոտեխնիկայի պայթյունից վիրավորվել է քաղաքացիներից մեկը:

Ներքին գործերի նախարարությունը մեկ անգամ ևս դատապարտում է ատելության շարժառիթներով գործողությունները, այդ թվում `լրատվամիջոցների ներկայացուցիչների նկատմամբ բռնությունը: Նշված բոլոր փաստերի կապակցությամբ իրականացվում են համապատասխան քննչական և դատավարական գործողություններ: Բռնության գործողություններին և խախտումներին ներգրավված անձանց նույնականացնելու համար ուսումնասիրվում են դեպքերը արտացոլող նյութերը», – հայտնել են ՆԳ նախարարությունից: